Назар аударыңыз! Веб-сайт тестілік режимде жұмыс істеп тұр. Уақытша келтірілген ыңғайсыздықтар үшін кешірім өтінеміз.

901

Астана тұрғындарының 80%-дан астамы мемлекеттік тілде сөйлейді

Астана қаласының Тілдерді дамыту және архив ісі басқармасы «Рухани жаңғыру» бағдарламасы және Астана қаласының 20 жылдығы аясында Қазақстан халқы тілдерінің күніне арналған «Менің тілім – ұлы дала рухы» ХХ қалалық тіл фестивалін өткізді, деп хабарлайды Астана қаласы әкімдігінің ресми сайты.

Іс-шарада Қ. Қуанышбаев атындағы Мемлекеттік академиялық қазақ музыкалық драма театрының әртістері сахналық шағын қойылым ұсынып, Алаш ардақтыларының тіл, ел, білім, ғылым жайында айтқан ойларынан шағын монологтар оқыды.

Фестиваль аясында Тілдерді дамыту және архив ісі басқармасының басшысы Тілеуғали Қышқашбаев сөз сөйлеп мемлекеттік тілдің дамуына, қолданысының кеңейе түсуіне елеулі үлес қосып жүрген мекеме басшылары мен жеке азаматтарға әкімнің «Тіл тұғыры» құрмет марапатын табыстады.

«Қаламызда бір миллионнан астам халық тұрады, соның 80%-дан астамы мемлекеттік тілде сөйлейді, жазады. Осының бәрі Тәуелсіздіктің арқасы. Болашақ жастардың қолында, осы жастарымыз Алаш арыстарындай елім, жерім, тілім деп Тәуелсіз Қазақстанның өркендеуіне үлес қоссын», - деді Т. Қышқашбаев.

Фестиваль барысында тіл төңірегінде атқарылып жатқан жұмыстар жайлы және Елбасы мен елге танымал азаматтардың қазақ тілі жайлы айтқан ойлары түйістірілген рухани-патриоттық бағыттағы бейнесюжеттер көрсетілді.

Астана қаласының Мемлекеттік академиялық филармониясының өнерпаздары қазақ күйі мен биін паш етіп, эстрада жұлдыздары Төреғали Төреәлі, «Алашұлы» тобы, Айгүл Иманбаева және басқа да өнерпаздар өнер көрсетті.

Аталған іс-шараға тіл жанашырлары, ел зиялылары, депутаттар, ардагерлер, қаланың құрметті азаматтары, қала басшылығы, белсенді жастар, қала тұрғындары мен қонақтары қатысты.

 

 

Материалдарды қандай да бір жолмен пайдалануға – Астана қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Астана қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Астана – жайлы өмір сүруге арналған қала!
iKomek 109